टोकियो- नेपाली बक्सर खेलाडी म्याक्स बस्नेतले जापानी बक्सर खेलाडीलाई रिङ्गमा एक पञ्चमै लडाएका छन् । आइतबार योकोहामा सिटीको होटेल मेल पार्कस्थित भएको मुराकामी बक्सिङ च्याम्पियनशिपमा म्याक्सले जापानका पूर्व राष्ट्रिय बक्सिङ च्याम्पियन इतोलाई रिङ्गमा एक पञ्चमै लडाएका हुन ।
इतोलाई पराजित गर्दै उनी मुराकामी बक्सिङ च्याम्पियनशिपमा च्याम्पियन भएका छन् । नेपालमा १४ पटकसम्म राष्ट्रिय बक्सिङ च्याम्पियन बनेका बक्सर म्याक्सले ३ पटक सम्म बक्सिङ वेष्ट प्लेयर अवार्ड समेत जितेका छन् ।
भारतीय राष्ट्रिय बक्सिङ च्याम्पियन असिदिप बुलरलाई ५ महिना अघि हराएर सनसनी मच्चाएका म्याक्सले त्यसलाई निरन्तरता दिंदै जापानी बक्सरमाथि जित निकालेर नेपाली झण्डा फहराएका छन् ।
(भिडियो)
प्रकाशित: Dec 31, 2017| 18:23 आइतबार, पुस १६, २०७४