बबिता मृत अवस्थामा फेला

काठमाडौं – वन तथा वातावरण मन्त्री शक्ति बस्नेतकी भतिजी बबिता बस्नेत ललितपुरस्थित आफ्नै कोठामा आत्महत्या गरेको अवस्थामा मृत फेला परेकी छन्।

ललितपुरको बालकुमारीस्थित वेस्टार अपार्टमेन्टमा बस्दै आएकी बस्नेत आइतबार कोठा भित्र झुण्डिएको अवस्थामा भेटिएकी हुन्। 

प्रहरीका अनुसार आइतबार बिहान १० बजेसम्म नउठेपछि बबिताकी नन्दले ढोका ढकढक्याउँदा नखुलेपछि प्रहरीलाई खबर गरेकी थिइन्। प्रहरीको टोलीले कोठा पुगे लगत्तै ढोका फोरेर हेर्दा झुण्डिएको अवस्थामा उनको शव फेला पारेको थियो। 

घटना संकास्पद भएको भन्दै अनुसन्धान भइरहेको प्रहरीले जनाएको छ। 

बबिताको करिब ३ वर्षअघि रोशन खड्कासँग बिहे भएको थियो । रोशन ऊर्जामन्त्री वर्षमान पुनका प्रेस सहयोगी हुन्।