नेपालले दियो युएईलाई १०५ रनको लक्ष्य

काठमाडौं- नेपाल र यूएईबीचको तेस्रो जारी निर्णायक टी-२० खेलमा नेपालले युएईलाई १ सय ५ रनको लक्ष्य सुम्पेको छ । बर्षाले प्रभावित भएका कारण १० ओभरमा छोट्याएको खेलमा नेपालले ८ विकेट गुमाउँदै १ सय ४ रन बनाएको हो । 

टस हारेर पहिले ब्याटिङको निम्तो पाएको नेपलका लागि निकैनै आक्रमक ब्याटिङ प्रस्तुत गरेका युवा ब्याट्सम्यान सन्दीप जोराले २८ रन जोडे । उनले मात्र ११ बल खेल्दै तीन छक्काको मद्दतमा २८ रन जोडेका हुन् । 

कप्तान पारस खड्काले २९ रन जोडे । उनले १४ बल खेल्दै ४ चौका र १ छक्काको मद्दतमा २९ रन जोडेकमा हुन् । विनोद भण्डारीले २१ रन जोडे । उनले १३ बल खेल्दै २ चौका र १ छक्का प्रहार गरे । 

उपकप्तान ज्ञानेन्द्र मल्लले ११, करन केसी १०, ओपनर पवन सराफ शुन्य रनमा आउट हुँदा दिपेन्द्र सिंह एरी २, सन्दीप लामिछाने र सोमपाल कामी शुन्य  रनमा आउट भए । युएईका लागि मोहमद नाभिद र सुल्तान अहमदले २, तथा जाहोर खान, मोहमद बुटा र आमिर हायातले एक एक विकेट लिए ।