रोनाल्डो सर्वाधिक गोलकर्ता, युभेन्ट्स बराबरीमा रोकियो

एजेन्सी- इटालियन सिरी ‘ए’ फुटबलमा शीर्ष स्थानको युभेन्ट्सले पर्मासँग बराबरी खेलेको छ । घरेलु मैदानमा शनिबार राति भएको खेलमा युभेन्ट्स पर्मासँग ३-३ को बराबरी खेलेको हो । 

घरेलु टालीका लागि रोनाल्डोले दुई तथा डानिली रुगानीले एक गोल गरे । यता पहुनो टोलीलाई हारबाट जोगाउन गेर्भिन्होले दुई तथा एन्टोनियो बारिल्लाले एक गमेल गरे । निकैनै रोमाञ्चक बनेको खेलमा सुरुवाती अग्रता भने युभेन्ट्सले लिएको थियो । 

घरेलु मैदानमा २-० ले लिएको अग्रता जोगाउन नसकदा युभेन्ट्स अंक बाढ्न बाध्य भयो । खेलको ३६ औं मिनेट रोनाल्डोले गोल गर्दै युभेन्ट्सलाई सुरुवाती अग्रता दिलाए । त्यस्तै ६२ औं मिनेटमा डानिली रुगानीले गोल गर्दै टोलीको अग्रता दाब्बर पारे । 

६४ औं मिनेटमा पर्माका एन्टोनियो बारिल्लाले गोल गर्दै खेल २-१ को स्थितिमा ल्याए ।यसपछि खेलका फर्केको पर्माले ६६ औं मिनेटमा रोनाल्डोको व्यक्तिगत दोस्रो गोलबाट पुनः ३-१ ले अग्रता लियो । यससँगै रोनाल्डो सिरी ‘ए’ मा १६ गोल सहित सर्वाधिक गोलकर्ताको शीर्ष स्थान रहेका छन् ।  

खेलको ७४ औं मिनेटमा गेर्भिन्होले गोल गर्दै खेल ३-२ को स्थितिमा ल्याए । त्यसपछि खेलको इन्जुरी समयमा गेर्भिन्होले व्यक्तिगत दोस्रो गोल गर्दै खेल ३-३ को बराबरीमा ल्याउदै पर्मालाई हारबाट जोगाए । 

युभेन्ट्सले २२ खेलबाट ६० अंक जोडेको छ । दोस्रो स्थानको नापोलीको ५१ अंक छ । नापोलीले शनिबार राती साम्पडोरियालाई ३-० ले हराएको थियो । ११ औं स्थानको पर्माको २९ अंक छ ।