आज बार्सिलोनाले भ्यालेनसीयाको सामना गर्दै

एजेन्सी- ला लिगामा शनिबार राति शीर्षस्थाको बार्सिलोना र सातौंस्थानको भ्यालेनसीया भिड्दै छन् । खेल बार्सिलोनाको घरेलु मैदानमा नेपाली समयअनुसार राति ११:१५ बजे सुरु हुने छ । 

पछिल्लो समय उत्कृष्ट प्रदर्शन गर्दै कोपा डेल रे’को सेमिफाइनलमा पुगेको बार्सिलोना उच्च मनोबलका साथ मैदान उत्रिने छ । कोपा डेल रे’को क्वाट्फइनलको पहिलो लेगमा २-० ले पछि परेको अवस्थालाई उल्टाउँदै बार्सिलोना बिहिबार दोस्रो लेगमा ६-१ गोलले विजयी भयो । 

जहाँ समग्रहमा ६-३ ले विजयी हुँदै बार्सिलोनासँग यसै हप्ता कोपा डेल रे’को सेमिफाइनल पुगेको उच्च मनोबल छ । त्यस्तैले बार्सिलोना स्पष्ट तीन अंक जोड्ने लक्ष्यका साथ आफ्नो घरेलु मैदानमा उत्रिदै छ । 

ला लिगाको सुरुवाती खेलमा लय विहिन भएको भ्यालेनसीया पछिल्ला खेलहरुमा उत्कृष्ट पुनरागमन गरिरहेको छ । भ्यालेनसीया पनि गेटाफेलाई समग्रहमा ३-२ ले पराजित गर्दै कोपा डेल रे’को सेमिफाइनल पुगेको छ । 

यसैले पनि यी दुई टोलीबीचको खेल निकैनै रोमाञ्चक हुने अनुमान गर्न सकिन्छ । यसअघि बार्सिलोना र भ्यालेन्सियाबीच भएको पहिलो भेटमा दुबै टोलीले १-१ को बराबरी खेलेका थिए । 

२१ खेल खेलेको बार्सिलोना १५ खेलमा स्पष्ट जित, चार खेलवमा बराबरी र दुई खेलमा हार सहित ४९ अंक जोडेर शीर्षस्थानमा छ । जुन दोस्रो स्थानको एथ्लेटिको मड्रिडभन्दा ५ अंक बढी हो । 

त्यस्तै भ्यालेन्सीयाले समान खेलबाट ६ खेलमा जित, ११ खेलमा बराबरी र ४ खेलमा पराजय भोग्दै २९ अंक सहित लिगको सातौं स्थानमा छ ।