रोनाल्डोले समर्थकको घरमै पुगेर किन मागे माफी?

एजेन्सी- पोर्चुगिज तथा इटालियन क्लब युभेन्टसका स्टार खेलाडी क्रिस्टियानो रोनाल्डो विश्वकै चचित खेलाडी हुन् । उनी कहिलेकाही आफ्नो व्यक्तिगत कार्यशैलीका कारण विवादमा आउने गर्दछन् ।

तर, ३३ वर्षीय रोनाल्डो आफ्ना फ्यानहरूप्रति सदैब सजक र सम्मान दर्शाउन पछि पर्दैनन् । कुरा गत जनवरी २२ तारिखको हो । जहाँ सिरी ‘ए’ अन्तर्गत युभेन्टस घरेलु मैदानमा चिइभोविरुद्ध भएको थियो । उक्त खेल युभेन्टसले ३-० ले जित्यो ।

तर, उक्त खेलको ‘वार्म अप’का बेला रोनाल्डोले हानेको बलले नजिकै दर्शकदीर्घामा रहेकी एक महिला दर्शकलाई लागेको थियो । उक्त बलले महिला दर्शकको अनुहारमा लाग्दै उको चस्मा फुट्ना साथै नाकबाट रगतसमेत बगेको थियो ।

त्यतीबेला रोनाल्डोले कुनै प्रतिक्रिया दिएनन् । तर, त्यसको ८ दिनपछि रोनाल्डोले ती युवतीको ठेगाना पत्ता लगाएर भेट्न उनकै घरमा पुगे । उनीसँग भेटेर रोनाल्डोले आफूले हानेको बल लागेकोमा क्षमा माग्दै, उनीसँग सेल्फी खिचे । 

त्यत्ति मात्रै हैन, रोनाल्डोले चिइभोविरुद्ध खेल्दाकै आफ्नो ७ नम्बर जर्सीमा हस्ताक्षर गरेर उपहार दिए ।