कतार की जापान : को बन्ला एसियाली फुटबलको पावर हाउस?

एजेन्सी- एसिया कप फुटबलको उपाधिका लागि आज (शुक्रबार) राति चार पटकको च्याम्पियन जापान र २०२२ को विश्वकप आयोजक राष्ट्र कतारबीच प्रतिस्पर्धा हुदैछ । खेल नेपाली समय अनुसार राति ७:४५ बजे दुबईको अबुधाबीस्थित जयाद स्पोर्टस सिटी स्टेडियममा हुदैछ ।  

एसियाली फुटबलको पावर हाउस बन्ने उद्वेश्यका साथ कतार पहिलो पटक कतार फाईनल पुगेको छ । एसियाली फुटबलको पावर हाउसको रुपमा चिनिने जापानले चार पटक एसिया कपको उपाधि जिेतेका छ । 

सेमिफाईनल खेलमा जापानले ईरानलाई ३-० ले पराजित गर्दै फइनलको यात्रा तय गरेको थियो । त्यस्तै कतारले आयोजक राष्ट्र संयुक्त अरब ईमिरेट्स (युएई)लाई ४-० को फराकिलो अन्तरले पराजित गर्दै फाइनमा स्थान पक्का गरेको थियो ।

एसियन कपका ६ खेलमा ८ गोल गरेका कतारका अल्मोईज अली मुख्य हतियार हुन् । फाईनल उत्रदै गर्दा अलीलाई एसियन कपको ईतिहासमा सर्वाधिक गोलको रेकर्ड बनाउने अवसर प्राप्त हुनेछ । 

कतारसँग अक्रम अफिफ समेत हुनेछन् । प्रतियोगितामा सबै भन्दा धेरै गोलको अवसर सिर्जना गरेका अफिफको प्रर्दशनबाट समेत कतारले ठुलो अपेक्षा गरेको छ । यता जापानका लागि भने मुख्य हतियार युया ओसाका हुने छन् । 

चोट मुक्त हुँदै मैदान फर्किएका ओसाकाले ईरानविरुद्वको सेमिफाईनलमा दुई उत्कृष्ट गोल गरेका थिए । जारी प्रतियोगितामा जापानबाट धेरे गोल गर्ने ओसाकाको नाममा ४ गोल रहेको छ ।