नेपाल टस जितेर फिल्डिङ गर्दै, तीन खेलाडी डेब्यु 

काठमाडौं- युएईसँगको तीन खेलको टी-२० सिरिजको पहिलो खेलमा नेपालले टस जितेर फिल्डिङ गर्ने निर्णय गरेका छ । दुबईस्थित आईसीसी एकेडेमीको मैदानमा  सुरु भएको खेलमा नेपालले टस जितेर पहिले फिल्डिङ गर्ने निर्णय गरेको हो । 

यससँगै नेपालले टी-२० अन्तर्राष्ट्रियमा तीन नयाँ अनुहारलाई समावेश गराएको छ । मध्यक्रमका ब्याट्सम्यान रोहित कुमार पौडल र सन्दीप जोरासँगै तीव्र गतिका बलर अभिनाश बोहोराले डेब्यु गर्ने भएका छन् । 

अभिनाशको राष्ट्रिय टोलीबाट यो पहिलो खेल हो भने सन्दीप जोराले यसअघि यूएईविरुद्ध एकदिवसीय सिरिजको तेस्रो खेलमा राष्ट्रिय टोलीबाट डेब्यु गरेका थिए । रोहितले भने पछिल्लो एक वर्षदेखि राष्ट्रिय टोलीबाट खेल्दै आएका छन् । उनले दोस्रो खेलमा अर्धशतक बनाउँदै अन्तर्राष्ट्रिय क्रिकेटमा अर्धशतक बनाउने कान्छा खेलाडी पनि बनेका थिए ।

यसअघि नेपालले युएईलाई एकदिवसीय अन्तर्राष्ट्रिय सिरिजमा २-१ ले पराजित गर्दै ऐतिहासिक सफलता हात पाको थियो । सिररिजको पहिलो खेल ३ विकेटले पराजित भएको नेपाल दोस्रो खेलमा ब्याटिङ र बलिङमा उत्कृष्ट प्रदर्शन गर्दै १ सय ४५ रनको फराकिलो अन्तरले विजयी भएको थियो । त्यस्तै तेस्रो अर्थात निर्णायक खेलमा युएईलाई ४ विकेटले पराजित गर्दै सिरिज जित्न सफल भएको थियो ।

टी-२० पहिलो खेलका लागि नेपाली टोली :

पारस खड्का(कप्तान), ज्ञानेन्द्र मल्ल, प्रदिप ऐरी, दिपेन्द्रसिंह ऐरी, सोमपाल कामी, करण केसी, सन्दिप लामिछाने, वसन्त रेग्मी, सन्दिप जोरा, रोहित पौडेल र अभिनाश बोहोरा