नेपालको टी-२० सिरिज : यस्तो छ खेल इतिहास 

काठमाडौं- गत मार्चमा नेपालले एकदिवसीय मान्यता पाएपछि गुमाएको टी-२० मान्यता समेत स्वत पायो । सोहि मान्यतालाई जोगाही राख्न नेपालले लामो समय पछि अन्तर्राष्ट्रिय टी-२० सिरिज पहिलो पटक खेल्दै छ । झण्डै तीन बर्ष पछि नेपाली टोलीले पहिलो पटक टी-२० अन्तर्राष्ट्रि प्रतियोगिता खेल्दै छ । 

युएईसँगको यो टी-२० सिरिज भने नेपालको तेस्रो टी-२० अन्तर्राष्ट्रिय सिरिज हो । अहिले सम्म टी-२० सिरिज जित विहिन नेपालले यो सिरिज जिते पुनः इहितहास रच्ने छ । नेपालले युएईसँग पछिल्लो पटक सन् २०१४ को विश्वकप अघि टी-२० खेल खेलेको थियो । विश्वकपको अभ्यासका रुपमा खेलेको उक्त खेलमा भने नेपाल यूएईसँग ६ विकेटले पराजित भएको थियो ।

सन् २०१४ मा नेपालले पहिलो पटक टी-२० विश्वकप खेलेको थियो । पहिलो पटक टी-२० विश्वकपमा सहभागिता जनाउँदै नेपालले उत्ष्कृट प्रदर्शन गर्यो । उक्त उत्कृष्ट प्रदर्शन कै कारण आईसीसीले नेपाललाई त्यसै वर्ष टी-२० अन्तर्राष्ट्रिय मान्यता दिएको थियो । त्यसपछि नेपालले दुई देशसँग टी-२० अन्तर्राष्ट्रिय सिरिज खेल्यो । 

तर, कुनै सिरिज नित्न सकेको र्छैन । आईसीसीले टी-२० अन्तर्राष्ट्रिय मान्यता दिए लगत्तै नेपालले हङकङसँग ४ टी-२० सिरिज खेल्ने मौका पायो । जुन सिररिज श्रीलंकामा भएको थियो । तर, वर्षाका कारण सिरिजका तीन खेल स्थगित भए । सिरिजको अन्तिम खेलमा हङ्कङसाग पराजित हुँदै नेपालले पहिलो आईसीसी टी-२० अन्तर्राष्ट्रिय सिरिज १-० ले गुमायो । 

त्यसपछि सन् २०१५ मा नेपालले नेदरल्यान्डसँग थप ४ टी-२० सिरिज खेल्ने अवसर पायो । जुन सिरिज टी-२० विश्कप छनोट अघि अभ्यासको रुपमा पाएको थियो । तर, त्यो सिरिज नेपालले ३-१ ले गुमाएको थियो ।

सन् २०१५ मा टी-२० विश्वकप छनोट खेल्दा नेपालले खराब प्रदर्शन गर्यो । जहाँ खराब प्रर्दशन गर्दै नेपाल छनोटको समूह चरणबाटै बाहिरियो । अनि आईसीसी टी-२० अन्तर्राष्ट्रिय मान्यता पाएको एक बर्षमै नेपालले टी-२० मान्यता गुमायो । 

त्यसपछि नेपालले कुनै पनि अन्तर्राष्ट्रिय टी-२० प्रतियोगिता खेल्न पाएन र घरेलु फ्रेन्चाइन टी-२० प्रतियोगितामा चित्त बुझाउनु पर्यो । त्यस्तै घरेलु प्रतियोगिता डीपीएल, इपीएल जस्ता प्रतियोसिगताहरु खेलेका कारण टी-२० प्रदर्शन पनि उत्कृष्ट हुने अनुमान गर्न सकिन्छ । 

२९ जुलाई २०१८ मा नेपालले नेदरल्यान्ड र एमसिसिसँग त्रिकोणात्मक टी-२० सिरिज लर्ड्समा खेल्ने मौका पाएको थियो । वर्षाले प्रभावित हुँदा ६ ओभरमा झारिएको खेलमा नेपालले एमसिसिलाई ९ विकेटले पराजित गरयो । त्यसै दिन नेपाल र नेदरल्यान्डबीचको दोस्रो खेल वर्षाको कारण पुरा हुन सकेन ।