नेपाललाई दोस्रो ऐतिहासिक सिरिज जित्ने अवसर

काठमाडौं- नेपाली राष्ट्रिय क्रिकेट टोलीले पहिलो ऐतिहासिक एकदिवसीय अन्तर्राष्ट्रिय सिरिज जितेसँगै अर्को टी-२० सिरिज जित्ने अवसर रहेको छ । 

दुबईस्थित आईसीसी एकेडेमीको मैदानमा हुने युएईसँगको तीन खेलको सिरिर जित्ने अवसर रहेको हो । युएईसँगको टी-२० सिरिजको पहिलो खेल आजा (बिहिबार) खेल्दै छ । खेल नेपाली समय अनुसार दिउँसो २:४५ बजेबाट सुरु हुँदै छ ।
 
भरखरै सम्पन्न एकदिवसीय सिरिजका २-१ ले पराजित गर्दै ऐतिहासिक सफलता हात पारेको नेपाल यस सिरिजमा पनि उच्च मनोबलकासाथ मैदानमा उत्रिने । तर, यता युएई भने एकदिवसीय सिरिजमा व्यहोरेको हारको बदला लिने दाउँमा रहने छ । 

सिररिजको पहिलो खेल ३ विकेटले पराजित भएको नेपाल दोस्रो खेलमा ब्याटिङ र बलिङमा उत्कृष्ट प्रदर्शन गर्दै १ सय ४५ रनको फराकिलो अन्तरले विजयी भएको थियो । त्यस्तै तेस्रो अर्थात निर्णायक खेलमा युएईलाई ४ विकेटले पराजित गर्दै सिरिज जित्न सफल भएको थियो ।