काठमाडौं- जनकपुरधामबाट एक क्विन्टल लागूऔषध गाँजासहित प्रहरीले एक जनालाई पक्राउ गरेको छ।
पक्राउ पर्नेमा मकवानपुर जिल्लाको हेटौंडा उपमहानगरपालिका–१९ का ३५ वर्षीय वीरबहादुर बलोनलसई रहेका छन्। बलोनलसईलाई सोमबार साँझ जनकपरधाम उपमहानगरपालिका–४ मुरलीचोकबाट पक्राउ गरिएको प्रहरीले जनाएको छ।
उनलाई बा५च १४० नम्बरको पिकअप भ्यानमा गाँजा लुकाएर ल्याउँदै गरेको अवस्थामा प्रदेश प्रहरी कार्यालयबाट खटेको सिभिल टोलीले पक्राउ गरेको हो। उनलाई पक्राउ गरेर थप अनुसन्धान थालिएको प्रहरीले जनाएको छ।