ढोरपाटन महिला डबल लिग : विभागिय टोली विजयी 

काठमाडौं- ढोरपाटन महिला डबल लिग भलिबलमा तीनवटै विभागिय टोली विजयी भएका छन् । मंगलबार आयोजक ढोरपाटन भलिबल क्लबको मैदानम भएको खेलमा एपिएफ, नेपाल पुलीस क्लब र  आर्मी विजयी भएका हुन् ।

 मंगलबारको पहिलो खेलमा विभागीय टोली एपिएफले सेवा क्लबलाई ३-० को सोझो सेटमा पराजित गर्यो । पहिलो २५-८ को फराकिलो अन्तरले पराजित गरेको एपिएफले दोस्रो सेटमा २५-१४ र तेस्रो सेटमा २५-१८ ले पराजित गर्दै विजयी भयो ।
 
मंगलबार नै भएको दोस्रो खेलमा  अर्को विभापगय टोली नेपाल पुलिसले श्रीगाँउ दाङलाई ३-० को सोझो सेटमा नै पराजित गर्यो । पुलिसले तीनवटै सेटमा दाङलाई निकै नै फराकिलो अन्तरले पराजित गर्यो । 

पहिलो सेट २५-८ ले पराजित गर्दा दोस्रो २५-९ र तेस्रो सेटमा २५-८ ले पराजित गर्यो । मंगलबार नै भएको तेस्रो खेलमा एपीएफले आफ्नो दोस्रोखेलमा थाहा नगरपालिका २५-७, २५-११ र २५-१२ को सोझो सेटमा परासजत गर्यो । 

त्यस्तै आजको चौथो खेलमा आर्मीले सेव क्लबलाई ३१-२९, २५-१९ र २५-२० को  सोटमा पराजित गर्यो । यससँगै मंगलबार भएका चार वटै खेलमा विभागिय टोली विजयी भएका हुन् ।