लुका र कासिमिरोको गोलमा रियल मड्रिड विजयी

एजेन्सी- स्पेनिस ला लिगा फुटबलमा रियल मड्रिडले सेभिल्लालाई पराजित गरेको छ । शनिबार राति घरेलु मैदानमा भएको खेलमा सेभिल्लालाई २-० गोल अन्तरले पराजित गरेको हो । 

रियलको जितका लागि कासिमिरो र लुका मोड्रिचले एक एक गोल गरे । पहिलो हाफ गोल रहित बराबरी खेलेको खेलको दोस्रो हाफमा दुबै गोल सम्भव भएका थिए । 

खेलको ७८ औं मिनेटमा कासीमिरोले गोल गर्दै रियललाई सुरुवाी अगता दिलाएका थिए । त्यसपछि दोस्रो हाफको इन्जुरी समयमा मिडफिल्डर लुका मोड्रिचले गोल गर्दै रियललाई २-० ले जित दिलाए । 

जितसँगै तेस्रो स्थानको रियलले २० खेलबाट ३६ अंक जोडेको छ । पराजित सेभिया ३३ अंक जोडेर चौथो स्थानमा छ ।