नेपाल समूह विजेता बन्दै सेमिफाइनलमा

काठमाडौं- थाइल्याण्ड ‘ए’ लाई ९ विकेटले पराजित गर्दै नेपाली राष्ट्रिय महिला टोली थाइल्याण्डमा जारी थाइल्याण्ड महिला टी-२० स्म्यास क्रिकेटमा समूह विजेता बन्दै प्रतियागिताको सेमिफाइनलमा प्रवेश गरेको छ । 

बुधबार भएको समूह चरणको अन्तिम खेलमा थाइल्याण्ड ‘ए’ले दिएको २० रनको साान्य लक्ष्य नेपालले ३.३ ओभर मात्र १ विकेट गुमाएर पुरा गरेर भेट्टायो । अन्तिम खेलाका नेपालको जितका लागि ममता कुमारी चौधरीले ८ रन जोडिन । यस्तै नेरी थापाले अविजित ५ तथा डोली भट्टले अविजित २ रन जोडिन । 

यसअघि टस हारेर पहिले ब्याटिङ गरेको थाइल्याण्ड ‘ए’ ले १५.४ ओभर सबै विकेट गुमाउँदै मात्र १९ रन बनाएको थियो । थाइल्याण्डका लागि थान्चानोक फोप्लुकले ४, वार्ली सिनसोङले ३ रन बनाउँदा ७ रन अतिरिक्त पाएको थियो । 

थाइल्याण्डलाई सस्तैमा समेट्न आरती बिडारीले ३ विकेट लिईन् । यस्तै इन्दु बर्मा र सरिता मगरले २-२ विकेट लिए । जितसँगै समूह ‘ए’ मा रहेको नेपालले ४ खेलबाट ८ अंक जोड्दै समूहको विजेताको रुपमा सेमिफाइनल प्रवेश गरेको हो । 

यस समूहबाट ६ अंक जोडेको युएई उपविजेता बन्दै सेमिफाइनलमा पुगेको छ । अब नेपालले सेमिफाइनलमा शुक्रबार समूह ‘बी’ को उपविजेता इन्डोनेसियासँग खेल्नेछ ।