वाइल्डलाइफ फोटोग्राफर चुङ्बा शेर्पाको निधन

चर्चित वाइल्डलाइफ फोटोग्राफर चुङ्बा शेर्पाको निधन भएको छ।

कलेजोसम्बन्धी समस्या देखिएपछि एक सातादेखि उपचाररत शेर्पाको ६४ वर्षको उमेरमा आइतबार राति १२:१५ बजेतिर ग्रान्डी अस्पतालमा निधन भएको हो। 

सोलुखुम्बुको खुम्बु पासाङल्हामु गाउँपालिका–१ लुक्लाका स्थायी बासिन्दा शेर्पा वाइल्डलाइफ फोटोग्राफीको क्षेत्रमा पछिल्लो पाँच वर्षयता अत्यन्त सक्रिय थिए। उनले नेपालका विभिन्न राष्ट्रिय निकुञ्ज र दुर्गम स्थानहरूमा पुगेर दुर्लभ वन्यजन्तुका अनौठा तस्बिर खिचेका थिए। 

उनले खिचेका जङ्गली याक, हिउँ चितुवा र बाघका तस्बिरले राष्ट्रिय तथा अन्तर्राष्ट्रिय रूपमा चर्चा पाएका छन्। शेर्पा सामाजिक क्षेत्रमा पनि सक्रिय थिए।