सिन्धुपाल्चोकमा ४.८ म्‍याग्निच्युडको भूकम्प, काठमाडौंसम्म धक्का महसुस

काठमाडौंमा आज दिउँसो भूकम्पको  धक्का महसुस भएको छ। दिउँसो १ बजेर २ मिनेटमा भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ।

सिन्धुपाल्चोकको माझीटार केन्द्रविन्दु भएर  ४.८ म्याग्निच्युडको भूकम्प जाँदा काठमाडौंसम्म धक्का महसुस भएको हो।

यसअघि पुस १६ गते बैतडीको सिगास गाउँपालिकाको न्वाघर क्षेत्रलाई केन्द्रविन्दु बनाएर ४.६ म्‍याग्निच्युडको भूकम्प गएको थियो।