पिंगलास्थानको होटलमा युवती मृत फेला

काठमाडौंको पिंगलास्थानस्थित बागमती होटलमा एक युवती मृत अवस्थामा फेला परेकी छिन्।

अन्दाजी २२-२३ वर्षकी युवती बुधबार दिउँसो होटलको कोठा नम्बर ३०८ मा मृत फेला परेको प्रहरीले जनाएको छ।

बुधबार दिउँसो ढोका नखुलेपछि स्थानीय जनप्रतिनिधिसहितको उपस्थितिमा कोठाको ढोका खोलेर हेर्दा युवतीको शव फेला परेको हो।

घटनाबारे आवश्यक अनुसन्धान अघि बढाइएको प्रहरीले जनाएको छ। जिल्ला प्रहरी परिसर काठमाडौं, काठमाडौं उपत्यका अपराध अनुसन्धान कार्यालय र प्रहरी वृत्त गौशालाबाट घटनाको अनुसन्धन अघि बढाइएको छ।