ललितपुरको मगरगाउँमा माइक्रोको ठक्करबाट पैदलयात्रीको मृत्यु

ललितपुरमा माइक्रो बसको ठक्करबाट पैदलयात्रीको मृत्यु भएको छ। सोमबार साँझ ललितपुर महानगरपालिका-१८ मगरगाउँस्थित सडकमा बा २ ख ३१०२ नम्बरको माइक्रोको ठक्करबाट एक पैदलयात्रीको मृत्यु भएको हो।

मृत्यु हुनेमा रामेछापको मन्थली नगरपालिका-७ घर भई मगरगाउँ बस्दै आएकी ३५ वर्षीया गोमा मगर हुन्। ठक्करबाट गम्भीर घाइते भएकी उनलाई पाटन स्वास्थ्य विज्ञान प्रतिष्ठानमा लगिएको थियो। त्यहाँ उपचारको क्रममा उनको मृत्यु भएको हो।

माइक्रोले रोकी राखेको बा ७ च ५९८७ नम्बरको बोलेरो गाडी र पैदलयात्रीलाई ठक्कर दिएर दुर्घटना भएको थियो। माइक्रो चालकलाई प्रहरीले नियन्त्रणमा लिएको छ।