सवारी दुर्घटनामा चारको मृत्यु, पाँच जना मृत फेला

मकवानपुर, राक्सिराङ गाउँपालिका-५ चाक्ले बगरस्थित सडकमा सु.प.प्र.०१-००१ च २९४६ नम्बरको बोलेरो पिकअप आइतबार दिउँसो दुर्घटना हुँदा बोलेरोमा सवार कैलाश गाउँपालिका-३ बस्ने ५६ वर्षीय शन्त बहादुर गोम्बाको मृत्यु भएको छ। दुर्घटनामा गम्भीर घाइते भएका उनको मनहरी अस्पतालमा उपचारको क्रममा मृत्यु भएको हो। बोलेरो चालकलाई प्रहरीले नियन्त्रणमा लिएको छ।

प्युठान, प्युठान नगरपालिका-७ टिकुरी बसपार्कस्थित सडकमा लु.९१ प १३३७ नम्बरको मोटरसाइकलको ठक्करबाट पैदलयात्री मल्लरानी गाउँपालिका-४ बासखोला बस्ने ७८ वर्षीय रामचन्द्र शाहको आइतबार बेलुकी मृत्यु भएको छ। ठक्करबाट गम्भीर घाइते भएका उनको जिल्ला अस्पताल बिजुवारमा उपचारको क्रममा मृत्यु भएको हो। साथै दुर्घटनामा घाइते भएका मोटरसाइकल चालकलाई थप उपचारको लागि लुम्बिनी प्रादेशिक अस्पताल बुटवल पठाइएको छ।

बारा, निजगढ नगरपालिका-९ बकैयास्थित सडकमा हाल नम्बर नखुलेको सवारी साधनको ठक्करबाट हाल नाम, थर, वतन नखुलेका अन्दाजी २४ वर्षीय पुरूषको आइतबार राति मृत्यु भएको छ। ठक्करबाट गम्भीर घाइते भएका उनको निजगढस्थित सिटि अस्पतालमा उपचारको क्रममा मृत्यु भएको हो। हाल फरार सवारी साधनको प्रहरीले खोजी गरिरहेको छ।

रूपन्देही, सिद्धार्थनगर नगरपालिका-८ स्थित सडकमा बुटवलबाट भैरहवातर्फ जाँदै गरेको लु.७ प ४०६५ नम्बरको मोटरसाइकल अनियन्त्रित भई आइतबार राति दुर्घटना हुँदा चालक भारत महारागंज ठुटेबारी बस्ने ३२ वर्षीय जितेन्द्र बासफोरको मृत्यु भएको छ। दुर्घटनामा गम्भीर घाइते भएका उनको मेडिकल कलेज भैरहवामा उपचारको क्रममा मृत्यु भएको हो। दुर्घटनाका सम्बन्धमा प्रहरीले आवश्यक अनुसन्धान गरिरहेको छ।

मृत फेला
सुनसरी, रामधुनी नगरपालिका-७ स्थित लटर होली तालमा सोही ठाउँ बस्ने ७२ वर्षीय भद्र लिम्बु आइतबार मृत अवस्थामा फेला परेका छन्।

दाङ, गढवा गाउँपालिका-६ स्थित पानी भएको कल्भर्टमा सोही गाउँपालिका-६ सर्वोदय चोक बस्ने ६५ वर्षीया ढोढी कुमाल आइतबार मृत अवस्थामा फेला परेकी छिन्।

धनुषा, जनकपुरधाम उपमहानगरपालिका-१६ महुवा टोलस्थित महुवा महादेव मन्दिर नजिकै बाटो छेउमा सोही उपमहानगरपालिका-१६ कपिलेश्वर बस्ने ७० वर्षीय नरेश यादव सोमबार मृत अवस्थामा फेला परेका छन्।

अर्घाखाँची, शितगंगा नगरपालिका-३ ठाडा डेरा गरी बस्ने कपिलवस्तु, कपिलवस्तु नगरपालिका-७ हरीपुर घर भएका ३३ वर्षीय गणेश सिंह आफ्नै कोठामा सोमबार मृत अवस्थामा फेला परेका छन्।

दोलखा, गौरीशंकर गाउँपालिका-४ बस्ने ३५ वर्षीय ओम्बा छिरीङ शेर्पा सोही गाउँपालिका-४ किस्पानस्थित सडक नजिकै सोमबार मृत अवस्थामा फेला परेका छन्।

पर्सा, वीरगंज महानगरपालिका-१७ स्थित खेतमा हाल नाम, थर, वतन नखुलेका अन्दाजी २५ वर्षीय पुरूष आइतबार मृत अवस्थामा फेला परेका छन्।

यस सम्बन्धमा प्रहरीले आवश्यक अनुसन्धान गरिरहेको छ।