आर्मीलाई पराजित गर्न एपिएफका आशिषको दुई गोल

काठमाडौं- सहिद स्मारक ‘ए’ डिभिजन लिगमा विभागीय टोली एपिएफले अर्को विभागिय टोली त्रिभुवन आर्मीलाई पराजित गरेको छ । आईतबार एन्फा कमप्लेक्समा भएको खेलमा एपीएफले बाजी आर्मी क्लबलाई २-१ गोल अन्तरले पराजित गरेको हो ।

पहिलो हाफ गोलरहित बराबरी भएको खेलमा तीन वटै गोल दोस्रो हाफ सम्भव भएका थिए । खेलका एपीएफलाई जिताउन आशिष लामाले दुवै गोल गरेका थिए भने आर्मीका लागि सान्तोना गोल नवयुग श्रेष्ठल गरेका थिए । 

एपिएफले खेलको ५२ औं मिनेटमा सिरुवाती अग्रता लिएका थिए । त्यसपछि आशिषले व्यक्तीगत दोस्रो गोल गरे । उनले खेलको ८६ औं मिनेटमा गोल गर्दै टोलीको अग्रता दोब्बर पारेका थिए । 

उनले श्याम कुमार नेपालीको पासलाई सदुपयोग गर्दै दोस्रो गोल गरेका थिए । लगत्तै आर्मीका नवयुग श्रेष्ठले हेडिङ गोल गर्दै टोलीलाई खेलमा फर्काउने प्रयाष गरेका थिए । तर, पथ गोल गर्न नसक्दा आर्मी एपिएफसँग २-१ ले पराजित भयो ।

जितसँगै एपीएफले अंक तालिकामा सुधार गर्दै १० खेलबाट १६ अंक जोड्दै तालिकाको पाँचौ स्थानमा उक्लिएको छ । यता आर्मी भने १८ अंक सहित चौथो स्थानमा यथावत छ ।