रिद्धि सिद्धि सिमेन्टको छात्रवृत्ति कार्यक्रम

रिद्धि सिद्धि सिमेन्टले आफ्नो व्यावसायिक सामाजिक उत्तरदायित्वअन्तर्गत मकवानपुर जिल्लालाई लक्षित गरी ‘मकवानपुर स्मार्ट स्टुडेन्ट अफ द एअर २०८१’ को छात्रवृत्ति कार्यक्रम पुनः सञ्चालनमा ल्याएको छ ।

सो छात्रवृत्ति कार्यक्रमअन्तर्गत २०८० सालमा परीक्षा दिएको र २०८१ सालमा नतिजा प्राप्त भई एसईईमा उत्तीर्ण भएका सम्पूर्ण मकवानपुर जिल्लाको विद्यार्थी सहभागी हुन सक्नेछन् । जसअनुसार एसईईमा ३ दशमलव ५ जिपिएदेखि ४ जिपिए ल्याएको खण्डमा छात्रवृत्ति कार्यक्रममा सहभागिताको लागि योग्य मानिने कम्पनीले जनाएको छ ।

गत वर्ष आयोजना गरिएको छात्रवृत्ति कार्यक्रममा कुल ११ विद्यार्थी लाभान्वित भएका थिए । छात्रवृत्तिअन्तर्गत पहिलो हुने विद्यार्थीलाई मासिक रूपमा ५ हजार रुपैयाँ, दोस्रो हुनेलाई ३ हजार ५००, तेस्रो हुनेलाई २ हजार ५०० रुपैयाँ साथै सान्त्वना स्वरूप थप १२ विद्यार्थीलाई मासिक रूपमा १ हजार ५०० कम्पनीले १ वर्षसम्म उपलब्ध गराउनेछ ।