पर्सा- पर्सामा सुपथ मूल्यमा पौष्टिक खाना खुवाउने भरपेट भोजनालय सुरु भएको छ। वीरगंजको मुर्लि चोक अगाडी सञ्चालनमा आएको यस भोजनालयले महानगरभित्र दिनहुँ श्रम गरेर खाने कामदार वर्गलाई लक्षित ५० रुपैयाँमै भरपेट खाना खुवाउने जनाएको छ।
समुदायमा आधारित संस्था सानो पाइलाले स्वस्थ, सन्तुष्ट र सक्षम समुदाय निर्माणमा सघाउ पुगोस भन्ने हेतुले भरपेट भोजनालय सुरू गरिएको जनाएको छ। पाइलाका संस्थापक अध्यक्ष कञ्चन झाले भने, 'हामीले सञ्चालनमा ल्याएको यो भोजनालयले श्रमिकका अलावा विद्यार्थी र अन्य इच्छुक व्यक्तिलाई पुग्ने छ।
भरपेट भाजनालयमा केवल ५० रुपैयाँमा दाल, भात, दुई किसिमको तरकारी र अचारको व्यवस्था गरिएको छ।
वीरगंज महानगरपालिका वडा नम्बर १२ मा रहेको भोजनालयको उद्घाटन नेपाली कांग्रेसका नेता अनिल रुंगटाले शनिबार गरेका हुन्।