एनसेल र महिला उद्यमीबीच सहकार्य

एनसेल र महिला उद्यमी महासंघ नेपालले देशव्यापी रूपमा महिला उद्यमीको क्षमता अभिवृद्धिका लागि सहकार्य शुरू गरेको छ। सातौं अन्तर्राष्ट्रिय महिला उद्यमी व्यापार मेला २०८० को अवसरमा एनसेल र महासंघले महिला उद्यमीको विकास, दिगो व्यापार वृद्धिका लागि सहजीकरण र जीविकोपार्जनमा सहयोग पुर्‍याउन समझदारी गरिएको छ।

ललितपुरको हेरिटेज गार्डेनमा आयोजित मेलामा महासंघ नेपालका अध्यक्ष शोभा ज्ञवाली र एनसेल कर्पोरेट कम्युनिकेशन तथा सीएसआर हेड विशाखा लक्ष्मी खड्काले समझदारीपत्र आदानप्रदान गरेका छन्।

एनसेलले महासंघसँग आबद्ध पाँच हजारभन्दा बढी महिला उद्यमीको क्षमता अभिवृद्धि र डिजिटल साक्षरताका लागि सहयोग गर्नेछ।