पोखरालाई पर्यटनको राजधानी घोषणा गरिँदै

कास्कीको पोखरालाई आज पर्यटकीय राजधानी घोषण गरिँदै छ। प्रधानमन्त्री पुष्पकमल दाहालले औपचारिक समारोहबीच पोखरालाई पर्यटनको राजधानी घोषणा गर्ने कार्यक्रम छ।

गण्डकी प्रदेश सरकार र पोखरा महानगरको संयुक्त आयोजनामा पोखरालाई पर्यटनको राजधानी घोषणा गर्न लागिएको हो।

फेवाताल किनार बाराहीघाटमा औपचारिक कार्यक्रम हुनेछ। आज विभिन्न सांस्कृतिक कार्यक्रम पनि हुनेछ। पोखराको थप प्रवर्द्धन गर्न र पर्यटनकै माध्यमबाट यो क्षेत्रको समुन्नतिको उद्देश्यले पोखरालाई औपचारिक रुपमा पर्यटनको राजधानी घोषणा गर्न लागिएको हो। पोखरा आन्तरिक तथा बाह्य पर्यटकको पहिलो रोजाइमा पर्छ।