सुनको मूल्यमा आज पनि रेकर्ड

काठमाडौं- सुनको मूल्यले आज पुनः नयाँ रेकर्ड बनाएको छ। आज छापावाल सुनको मूल्य प्रतितोला एक लाख २६ हजार रुपैयाँ तोकिएको छ।

शुक्रबार प्रतितोला एक लाख २५ हजारमा कारोबार भएको सुन आज प्रतितोला १ हजारले बढेर नयाँ उचाइमा पुगेको हो।

यसैगरी आज तेजाबी सुनको मूल्य प्रतितोला एक लाख २५ हजार ४ सय कायम भएको छ।

सुनचाँदी व्यवसायी महासंघले अन्तराष्ट्रिय बजारमा हुने सुन तथा चाँदीको कारोबार मूल्यका तुलनामा यहाँ दैनिक कारोबार मूल्य तोक्दै आएको छ।