पाँचथरमा २५ दिनको नाबालकसहित बेपत्ता भएकी आमा मृत भेटिएकी छन्। याङवरक गाउँपालिका गणेश चोक छेउ ढाँडगाउँकी २६ वर्षीया यमुना भुर्तेल चापागाईंको शव तमोर नदी किनारमा भेटिएको हो।
उनले बोक्ने मोबाइल र लगाएको केही कपडा नदी किनारमा भेटिएको थियो।
प्रहरीका अनुसार उनी आइतबारदेखि बेपत्ता थिइन्। आमा मृत भेटिए पनि शिशुको अवस्था भने थाहा हुन सकेको छैन। महिला आठराई त्रिवेणी गाउँपालिका-२ फूलबारी चोकपुरबाट आइतबार बिहान ११ बजेतिर परेवाडाँडा स्वास्थ्य चौकीमा बच्चालाई खोप लगाउन भनेर हिँडेकी बताइएको छ।