सामसङ ग्यालेक्सी एस२४ सिरिजमा आकर्षक अफर

सामसङ नेपालले ग्यालेक्सी एस२४ अल्ट्रा, ग्यालेक्सी एस२४+ र ग्यालेसी एस२४ को प्रिअर्डर खुलाएको छ। ग्यालेक्सी एआईको साथमा मोबाइलको नयाँ अनुभव उपलब्ध गराउने दाबी कम्पनीको छ।

‘एआईले ग्यालेक्सी एस२४ सिरिजको हरेक अनुभवलाई अझै राम्रो र सहज बनाउँदैछ’, कम्पनीले जारी गरेको विज्ञप्तिमा उल्लेख छ। नयाँ फोनमा कुनै पनि प्रकारका जिज्ञासा सर्च गर्ने अथवा पत्ता लगाउने तरिकासमेत परिवर्तन गर्दै नयाँ स्टान्डर्ड सेट गरिएको छ।

‘ग्यालेक्सी एस२४ले संसारसँगको हाम्रो सम्बन्धलाई परिवर्तन गर्छ र मोबाइलको आविष्कारको आउँदो दशकलाई प्रज्वलित गर्छ’, सामसङ नेपालका निर्देशक प्रणयरत्न स्थापितले भनेका छन्, ‘ग्यालेक्सी एआइ हाम्रो नवप्रवर्तन सम्पदा र मानिसहरूले आफ्नो फोन कसरी प्रयोग गर्छन् भन्ने गहिरो बुझाइबाट निर्माण गरिएको छ।’

ग्यालेक्सी एस२४ सिरिजले फोन कलको वास्तविक–समयमा दुई–तर्फी आवाज र टेक्स्ट दुवै लाइभ ट्रान्स्लेट का साथ मोबाइल फोनको सञ्चारको तरिकालाई पुनः परिभाषित गरिदिएको कम्पनीले जनाएको छ

प्रि–अर्डर गर्ने पहिलो ५०० ग्राहकले एनसेल प्रिमियम नम्बर प्रतिदिन ७० मिनेट अल नेट भ्वाइस +७०० एमबी+७० एसएमएस ६ महिनाका लागि तीन हजार पाँच सय रुपैयाँ निःशुल्क प्राप्त गर्न सक्नेछन्। साथै कम्पनीले अन्य विभिन्न आकर्षक अफर दिएको छ।

ग्यालेक्सी एस२४ (१२+५१२ जीबी) को एक लाख ९९ हजार नौ सय ९९, ग्यालेक्सी एस२४ अल्ट्रा (१२+२५६ जीबी) को एक लाख ८४ हजार नौ सय ९९, ग्यालेक्सी एस२४ प्लस (८+२५६ जीबी) को एक लाख ४२ हजार नौ सय ९९ र ग्यालेक्सी एस२४ बेस (८+२५६ जीबी) को एक लाख १९ हजार नौ सय ९९ रुपैयाँ तोकिएको छ।

यसका साथै, देशभरका आधिकारिक सामसङ स्टोरहरूमा उपलब्ध सामसङ इनस्टा फाइनान्स सेवाको साथमा नयाँ फोनलाई शून्य प्रतिशत ब्याज दरमा सजिलो ईएमआईमा प्राप्त गर्न सकिने कम्पनीले जनाएको छ।

ग्यालेक्सी एस२४ शृंशला प्रिबुक गर्नका लागि आधिकारिक पूर्वअर्डर वेबसाइट https://samsung-np.com/NP-S24-Preorder मा अथवा आफ्नो नजिकैको सामसङ फोन स्टोरमा जान सकिने कम्पनीले जारी गरेको विज्ञप्तिमा उल्लेख छ।