मकवानपुरमा खोलाले बगाउँदा एक जनाको मृत्यु

नेपाल समय | बिहीबार, साउन ३२, २०८०

नेपाल समय

बिहीबार, साउन ३२, २०८०

मकवानपुरमा खोलाले बगाउँदा एक जनाको मृत्यु

मनहरी- मकवानपुरको राक्सिराङमा एकजनाको खोलाले बगाउँदा मृत्यु भएको छ। राप्ती नगरपालिका–१२ दुङथली बस्ने ४८ वर्षीय धनकाजी प्रजाको मृत्यु भएको गाउँपालिका अध्यक्ष राजकुमार मल्लले बताए।

राक्सिराङ–७ काँकडा र चितवनको राप्ती नगरपालिकाको सिमाना हुँदै बग्ने स्थानीय रेउतीखोलामा प्रजाको शव भेट्टिएको हो। खोला तर्दा प्रजालाई बगाएको अनुमान गरिएको राक्सिराङ–७ का वडाध्यक्ष रामबहादुर प्रजाले बताए।

‘मेरो भिनाजु नाता पर्नुहुन्छ, मङ्गलबार साँझ उहाँ काँकडामा हुने दिदी र बहिनीको घर जान्छु भनी खाजा खाने होटलबाट निस्कनुभएको थियो’, वडाध्यक्ष प्रजाले बताए। बुधबार बिहान रेउती खोलामा स्थानीयवासीले शव भेटेपछि प्रहरीमा खबर गरिएको वडाध्यक्ष प्रजाले भने।

प्रकाशित: Aug 17, 2023| 20:37 बिहीबार, साउन ३२, २०८०