आज–भोलिमै मन्त्रिपरिषद्ले पूर्णता पाउँछ : प्रधानमन्त्री प्रचण्ड

कांग्रेस र जसपाभित्र मन्त्रीका लागि घरझगडा हुँदा नाम पठाउन ढिलाइ भएकाले मन्त्रिपरिषद्ले पूर्णता पाउन सकेको छैन।

नेपाल समय | बुधबार, चैत २२, २०७९

नेपाल समय

बुधबार, चैत २२, २०७९

आज–भोलिमै मन्त्रिपरिषद्ले पूर्णता पाउँछ : प्रधानमन्त्री प्रचण्ड

काठमाडौं– प्रधानमन्त्री पुष्पकमल दाहाल प्रचण्डले एक–दुई दिनभित्रै मन्त्रिपरिषद्ले पूर्णता पाउने बताएका छन्।
१७ चैतमा मन्त्रिपरिषद् विस्तार गरेका प्रधानमन्त्री प्रचण्डले हाल ६ मन्त्रालय आफैंले सम्हालेका छन्।

बुधबार काठमाडौंमा आयोजित सहकारीकर्मीको भेलामा सहभागी प्रधानमन्त्री प्रचण्डले केही दिनमै मन्त्रिपरिषद्ले पूर्णता पाउने बताएका हुन्।

‘सरकारले करिब–करिब पूर्णता पाएको छ। आजभोलि शतप्रतिशत नै पूर्णता पाउँछ। अब हाम्रो ध्यान नीति तथा कार्यक्रम र बजेट बनाउनतिर केन्द्रित हुन्छ,’ प्रधानमन्त्री प्रचण्डले भने। त्यसका लागि आजै सिंहदरबारमा नीति तथा कार्यक्रम र बजेटबारे छलफल राख्ने तयारी भइरहेको उनले जानकारी दिए।

प्रकाशित: Apr 05, 2023| 12:07 बुधबार, चैत २२, २०७९