लुम्बिनी प्रदेशसभाको सातौँ बैठक आज, यस्तो छ कार्यसूची

लुम्बिनी प्रदेशसभाको पहिलो अधिवेसनको सातौँ बैठक सोमबार बस्दै छ।

नेपाल समय | सोमबार, चैत २०, २०७९

नेपाल समय

सोमबार, चैत २०, २०७९

लुम्बिनी प्रदेशसभाको सातौँ बैठक आज, यस्तो छ कार्यसूची

दाङ- लुम्बिनी प्रदेशसभाको पहिलो अधिवेसनको सातौँ बैठक सोमबार बस्दै छ। आज दिउँसो एक बजे बस्ने बैठकका दुई वटा मात्रै सम्भावित कार्यसूची सार्वजनिक भएको छ। यद्यपि, प्रदेशसभाले ‘विजनेश’ नपाउँदा अहिलेसम्म बैठक बस्न सकेको थिएन।

सभामुख तुलाराम घर्तीको निर्देशनमा आजको बैठक आह्वान गरिएको हो। गत फागुन १७ मा छैठौँ बैठक बसेको थियो। त्यसपछि चैत ७ गते बैठक बस्नेगरी सूचना जारी गरिएपनि अन्तिममा आएर बैठक स्थगित गरिएको थियो।

आज बस्ने बैठकमा प्रदेश सभासदस्यहरूले वशेष समयमा बोल्ने र मुख्यमन्त्री लीला गिरीले,’लुम्बिनी प्रशिक्षण प्रतिष्ठान सम्बन्धी विधेयक’ सभामा पेश गर्ने सम्भावित कार्यसूची रहेको प्रदेश सभा सचिव दुर्लभकुमार पुनले जानकारी दिए।

प्रकाशित: Apr 03, 2023| 08:10 सोमबार, चैत २०, २०७९