जनगणना २०७८ : ६ हजार १८० महिलाले जन्माए ९ सन्तान

काठमाडौं– १२औं राष्ट्रिय जनगणना प्रतिवेदन २०७८ अनुसार १५ देखि ४९ वर्ष उमेर समूहका ६ हजार १८० विवाहित महिलाले ९ भन्दा बढी बच्चा जन्माएका छन्।

शुक्रबार सार्वजनिक गरिएको अन्तिम परिणामअनुसार ६१ लाख ४५ हजार ३९ जना १५ देखि ४९ वर्ष उमेर समूहका विवाहित महिलामध्ये ६ हजार १८० जनाले ९ बढी सन्तान जन्माएको देखिएको हो।

सबैभन्दा बढी दुई बच्चा जन्माउनेको प्रतिशत ३३ प्रतिशत, २३ प्रतिशतले एक र १७ प्रतिशतले तीन जना बच्चा जन्माएको विवरणमा उल्लेख छ। १२ प्रतिशत विवाहित महिला सन्तान जन्माउन नसकेको तथ्यांकमा भनिएको छ।