लुम्बिनी प्रदेशसभा बैठक आगामी मंगलबार बस्ने

दाङ- लुम्बिनी प्रदेश सभाको ७औं बैठक चैत ७ गते मंगलबार बस्ने भएको छ।

सभामुख तुलाराम घर्तीको निर्देशनअनुसार बैठक बस्ने तय भएको प्रदेशसभा सचिवालयद्वारा बिहीवार जारी सूचनामा उल्लेख छ। बैठक मंगलबार दिउँसो १ बजेका लागि तय भएको छ।

लुम्बिनी प्रदेशसभा नियमावली २०७९ को नियम १२ को उपनियम ३ बमोजिम बैठक बस्ने तय भएको प्रदेशसभा सचिव दुर्लभकुमार पुनद्वारा जारी सूचनामा उल्लेख छ। यसअघि प्रदेश सभाको बैठक गत फागुन १७ गते बसेको थियो ।