बिहीबार, असोज ११, २०८०
  • गृहपृष्ठ
  • समाज
  • बोक्सी बकाउने भन्दै झाँक्रीले कुटपिट गर्दा बालिकाको मृत्यु

बोक्सी बकाउने भन्दै झाँक्रीले कुटपिट गर्दा बालिकाको मृत्यु

 |  आइतबार, फागुन २८, २०७९
averest bankaverest bank

नेपाल समय

नेपाल समय

आइतबार, फागुन २८, २०७९

रुपन्देहीको सैनामैना नगरपालिका-१० बेमतेनीमा बिरामी बालिकालाई झारफुकबाट उपचार गर्ने भन्दै हत्या गरेको आरोपमा प्रहरीले १७ जनालाई पक्राउ गरी अनुसन्धान थालेको छ।

sagarmatha cement

कथित माताले झारफुकबाट उपचार गर्ने भन्दै कुटपिट गर्दा मृत्यु भएकी १४ वर्षीया बालिका सीता ज्ञवालीको हत्या आरोपमा प्रहरीले उनीहरुलाई पक्राउ गरेको हो।

जिल्ला प्रहरी कार्यालय रुपन्देहीले शनिबार विज्ञप्ति जारी गर्दै घटनामा संलग्न झाँक्री सोनिया रेश्मीसहित सोही रात सीताको दाहसंस्कारमा संलग्न १७ जनालाई पक्राउ गरी सुक्ष्म अनुसन्धान थालिएको बताएको छ।

फागुन २० गते राति ८ बजे झाँक्रीकहाँ लगिएकी सीतालाई 'बोक्सी बकाउने' भन्दै लछारपछार पारी कुटपिट गरेको र सोही क्रममा उनको मृत्यु भएको थियो। सीतालाई लछारपछार पारेको भिडियो सामाजिक सञ्जालमा पनि सार्वजनिक भएको छ। 

त्यसप्रति प्रहरीको गम्भीर ध्यानाकर्षण भएको प्रहरीले जनाएको छ । साथै उक्त घटनामा संलग्न मानिसहरूलाई प्रहरीले पक्राउ गरी अनुसन्धान गरिरहेको जनाएको छ ।
 

प्रकाशित: Mar 12, 2023| 06:02 आइतबार, फागुन २८, २०७९
nepali patronepali patro
प्रतिक्रिया दिनुहोस्