जनकपुर साहित्य महोत्सव ११ फागुनदेखि

यस वर्ष महोत्सवमा साहित्य, संगीत, सिनेमा, संस्कृति, पहिचान, समाज र राजनीतिसम्बन्धी २० वटा ओपन–एयर प्यानल छलफल हुने आयोजक नवमिथिला फाउण्डेशनले जनाएको छ।

नेपाल समय | आइतबार, फागुन ७, २०७९

नेपाल समय

आइतबार, फागुन ७, २०७९

यही फागुन ११ गतेदेखि जनकपुरधाममा तीन दिवसीय 'चौथो जनकपुर साहित्य महोत्सव–२०२३' हुने भएको छ। यस वर्ष महोत्सवमा साहित्य, संगीत, सिनेमा, संस्कृति, पहिचान, समाज र राजनीतिसम्बन्धी २० वटा ओपन–एयर प्यानल छलफल हुने आयोजक नवमिथिला फाउण्डेशनले जनाएको छ।

महोत्सवमा विधार्थी, राजनीतिज्ञ, कलाकार, संगीतकार, लेखकलगायतको सहभागिता रहने आयोजकको भनाइ छ। महोत्सव उद्घाटन जानकी मन्दिर परिसरमा हुनेछ।

महोत्सवको अन्तिम दिन फागुन १३ गते भारतकी चर्चित गायिका मैथिली ठाकुरले पनि सांगीतिक प्रस्तुति दिने आयोजकले जनाएको छ।

प्रकाशित: Feb 19, 2023| 17:56 आइतबार, फागुन ७, २०७९