सन्दिपको उत्कृष्ट बलिङले नेपालले पायो झिनो लक्ष्य 

काठमाडौं- आइसीसी टि ट्वान्टी उप क्षेत्रिय क्रिकेट छनोट अन्तरगत म्यानमारविरुद्धको जारी खेलमा नेपालले जितका लागि झिनो लक्ष्य पाएको छ । टस हारेर पहिला फिल्डिङको निम्तो पाएको नेपालका लागि लेग ब्रेक स्पिनर सन्दिप लामिछानेको उत्कृष्ट बलिङ मार्फत नेपालले जितका लागि झिनो लक्ष्य पाएको हो ।

दुई ओरभ बलिङ गरेका सन्दिपले तीन रन खर्चदै चार विकेट लिए । यससँगै नेपालले ३० रानको झिनो लक्ष्य पाएको छ ।

म्यानरमारले १० ओभरमा सबै विकेट गुमाउदै २९ रन मात्र जोड्न सक्यो । म्यानमारका लागि हटेल लिन अउङले सर्वाधिक १६ रन जोड्न बाहेक अन्य ब्याट्सम्यानले दोहोरो अंक छुन सकेनन् । 

नेपालका लागि पहिलो विकेट ललित भन्डारीले लिएका थिए भने दोस्रो विकेट करन केसीले लिए । ललित राजवंशीले तीन विकेट लिए । राजवंशीले तीन ओरभमा दुई मेडिन राख्दै तीन रन खर्चेर तीन विकेट लिएका हुन् । त्यस्तै भन्डारीले तीन ओभरमा १३ रन खर्चदा करनले दुर्इ ओभरमा ८ रनद खर्चदै समान एक एक विकेट लिएका हुन् ।

सन् २००६ मा एसिसि ट्रफीमा म्यानमार ११ रनमा नै अल आउट भएको थियो । जहाँ नोपलले २ बलमा नै खेल जित्दै दुर्लभ कीर्तिमान बनाएको थियो । २०२० मा अष्टेलियामा आयोजना हुने टि ट्वान्टी कपको लागि उप-क्षेत्रिय छनोट खेल्दै नेपालकाे विश्वकपको यात्रा सुर भएको छ ।

प्रतियोगितामा नेपाल सहित आयोजक मलेसिया, चीन, थाइल्यान्ड, भुटान, सिंगापुर र म्यानमार रहेका छन् । यी सबै टोली एक अर्कासँग खेल्ने छन् । यसमा शीर्ष ३ मा पर्ने टोली एसियाली क्षेत्रिय छनोटको लागि छनोट हुने छन् । जसमा पुर्वी र पश्चिम क्षेत्रबाट आएका शीर्ष तीन तीन टोली क्षेत्रिय छनोट प्रतियोगिता खेल्न पाउने छन् ।