बंगबन्धु गोल्ड कप : नेपाल र ताजिकिस्तानबीचको खेल शुरु

काठमाडौं-बंगलादेशमा जारी बंगबन्धु गोल्ड कप अन्तर्गत साबिकको विजेता नेपाली राष्ट्रिय फुटबल टोली र ताजिकिस्तानबीचको खेल शुरु भएको छ । खेल बंगलादेशको सिलेटस्थित रंगशालामा शुरु भएको हो ।

नेपालले प्रतियोगिताको पहिलो खेलमा ताजिकिस्तानको सामना गर्दा जितको लक्ष्य लिएर मैदानमा उत्रिएको छ । ढिला गरी बंगबन्धुमा सहभागिता जनाउने निर्णय गरेको नेपालले यही प्रतियोगिताको लागि भनेर एक सातामात्रै प्रशिक्षण गरेको थियो । 

यस प्रतियोगितामा राष्ट्रिय टोलीको पहिलो रोजाईका गोलरक्षक किरण चेम्जोङ र मिडफिल्डर रोहित चन्द भने छैनन् । दुवै खेलाडी विदेशी लिगमा खेल्ने भएकाले आफ्नो क्लबको खेलमा नै व्यस्त छन् । 

साफपछि किरणले टीसी स्पोर्ट्सको लागि लिग खेल्दै छन् भने यता रोहितले पनि इन्डोनेसिया डर्बीमा खेलि रहेका छन् । नेपाल रहेको समूह ‘ए’ मा ताजिकिस्तान र प्यालेस्टाइन छन् । 

नेपालले ६ अक्टोवरमा प्यालेस्टाइनसँग खेल्नेछ । दुई समूहका समूहका शीर्ष दुई टोलीले सेमिफाइनलमा स्थान स्थान बनाउने छ । 

नेपाली टोलीको पहिलो रोजाईका ११ खेलाडी

विकेश कुथु
विराज महर्जन (कप्तान)
अनन्त तामाङ
आदित्य चौधरी
दीनेश राजवंशी
निराजन खड्का
विशाल राई
तेज तामाङ
सुजल श्रेष्ठ
सुनील बल
विमल घर्ती मगर