किसानलाई मल दिन नसक्ने सरकार के गरेर बसिरहेको छ : सांसद तिमल्सिना

काठमाडौं- नेपाली कांग्रेसका सांसद देवप्रसाद तिमल्सिनाले किसानलाई समयमा मल दिन नसकेर सरकारले के गर्दै बसिरहेको छ भन्दै प्रश्न गरेका छन्। 

आज प्रतिनिधि सभा बैठकको शून्य समयमा आफ्नो धारणा राख्दै सांसद तिमल्सिनाले सरकारले सधैँ समयमै किसानलाई मलको व्यवस्था गर्न नसक्नु चिन्ताको विषय भएको बताएका हुन्।

‘धेरै पटक सदनमा कुरा उठाइयो। कुरा उठाउँदा पनि कार्यन्वयन भएका हुँदैन। मलखाद नपाएर किसान समस्यामा छन्। मलखाद ७ लाख मेट्रिक टन आवश्यक पर्छ तर सरकारले ३ लाख मेट्रिक टन मात्र किन्छ। सरकारहरू परिवर्तन भए तर किसानलाई मलखाद किनेर दिन नसक्ने सरकारले के गर्न सक्छ भन्ने प्रश्न छ?,’ उनले भने। उनले यस विषयमा सभामुखलाई रुलिङ गर्न मागसमेत गरेका छन्।