मधेस र लुम्बिनी प्रदेशसभाले मनाउँदै स्थापना दिवस
काठमाडौं– लुम्बिनी प्रदेशसभाले छैटौं र मधेश प्रदेशसभाले पाँचौं स्थापना दिवस मनाउँदै छन्।
शनिबार लुम्बिनी प्रदेशको राप्ती उपत्यका देउखुरी प्रदेशसभा परिसर र मधेस प्रदेशसभा सचिवालयमा विविध कार्यक्रम गरी स्थापना दिवस मनाउन लागिएको हो।
२१ माघ २०७४ मा प्रदेशसभाको पहिलो बैठक बसेकै दिनलाई हरेक वर्ष स्थापना दिवसका रुपमा मनाउने गरिएको छ।
लुम्बिनी प्रदेशसभा अन्य प्रदेशको तुलनामा कानुन निर्माणमा अगाडि रहेको प्रदेशसभा सचिवालयका सचिव दुर्लभ पुनले बताए। प्रदेशसभाको पहिलो कार्यकालमा मात्रै ७२ वटा विधेयक सभाबाट पारित गरेको उनको भनाइ छ।
यस्तै, मधेस प्रदेशसभा स्थापना दिवस अवसरमा प्रदेशसभा सचिवालयमा विभिन्न कार्यक्रम आयोजना गरिँदै छ।
रक्तदान, उत्कृष्ट कर्मचारीलाई पुरस्कार वितरण, खेलकुदको प्रमाणपत्र वितरण, मन्तव्य कार्यक्रम आयोजन गरेर स्थापना दिवस मनाउने क्रम जारी रहेको प्रदेशसभा सचिवालयले जनाएको छ।
सम्पर्क
फोन : +977-1-4790242 / +977-1-4790040
इमेल : nepalsamayanews@gmail.com