'पठान' ले बनाइसक्यो १७ रेकर्ड

काठमाडौं- शाहरूख खान र दीपिका पादुकोण अभिनित फिल्म 'पठान' ले नयाँ-नयाँ रेकर्ड बनाउने क्रम जारी छ। २५ जनवरीमा रिलिज भएको यो फिल्मले पहिलो दिनमै विश्वभरबाट १०६ करोड भारू कमाउँदै सर्वाधिक कमाउने हिन्दी फिल्मको रेकर्ड राखेको थियो। अहिलेसम्म पठानले १७ वटा रेकर्ड बनाइसकेको छ। 

यी हुन् पठानले अहिलेसम्म बनाएका रेकर्ड
१) भारतमा हालसम्म सर्वाधिक स्क्रिनमा रिलिज हुने पहिलो फिल्म

२) पहिलो दिन बक्स अफिसमा सर्वाधिक कमाइ गर्ने हिन्दी फिल्म

३) सार्वजनिक विदा नपरेको दिन रिलिज हुँदा सर्वाधिक कमाइ गर्ने फिल्म

४) यशराज ब्यानरको सर्वाधिक कमाइ गर्ने फिल्म 

५) शाहरूख खानको पहिलो दिन सर्वाधिक कमाइ गर्ने फिल्म

६) दीपिका पादुकोणको पहिलो दिन सर्वाधिक कमाइ गर्ने फिल्म

७) जोन अब्राहमको पहिलो दिन सर्वाधिक कमाइ गर्ने फिल्म

८) निर्देशक सिद्धार्थ आनन्दको पहिलो दिन सर्वाधिक कमाइ गर्ने फिल्म

९) यशराज ब्यानरअन्तर्गत स्पाई युनिभर्सको सर्वाधिक कमाइ गर्ने फिल्म

१०) सन् २०१८ पछि पहिलो दिन ५० करोड भारूभन्दा बढी कमाइ गर्ने हिन्दी फिल्म

११) सप्ताहन्तमा सर्वाधिक कमाइ गर्ने हिन्दी फिल्म 

१२) दुई दिनमा ७० करोड भारू कमाइ गर्ने पहिलो हिन्दी फिल्म

१३) भारतमा सबैभन्दा छिटो १ सय करोड कमाउने हिन्दी फिल्म

१४) भारतमा सबैभन्दा छिटो २ सय करोड कमाउने हिन्दी फिल्म

१५) भारतमा सबैभन्दा छिटो २ सय ५० करोड कमाउने हिन्दी फिल्म

१६) भारतमा सबैभन्दा छिटो तीन सय करोड कमाउने हिन्दी फिल्म

१७) भारतमा एक सातामै पाँच सय करोड कमाउने हिन्दी फिल्म 

सिद्धार्थ आनन्दले निर्देशन गरेको फिल्ममा शाहरूख र दीपिकासँगै जोन अब्राहम र सलमान खानको अतिथि भूमिका छ। यो फिल्ममार्फत शाहरूख चार वर्षपछि कमब्याक गरेका हुन्। फिल्ममा शाहरूख भारतीय सैनिकको भूमिकामा देखिएका छन् भने दीपिका पाकिस्तानी गुप्तचर संस्था आइएसआईको एजेन्ट र जोन खलनायकको भूमिकामा।