मेन डोजो च्याम्पियन

काठमाडौं-भक्तपुरले प्रथम उपत्यकाव्यापी कराते तथा किक बक्सिङ प्रतियोगिताको उपाधि मेन डोजोले जितेको छ । शनिबार भएको उक्त प्रतियोगितामा मेन डोजोले ६ स्वर्ण सहित टिम च्याम्पियनबनेको हो । 

विद्या आर्जन सितोरियो शाखा डोजो, भक्तपुरद्वारा आयोजित प्रतियोगितामा ४ स्वर्णसाथ आमन्त्रित काभ्रे एकेडेमी दोश्रो भयो । तेश्रो स्थानको भक्तपुर नगरपालिकाले ३ स्वर्ण हात पार्यो ।

प्रतियोगिताको पुरुषमा काभ्रेका साजन मोक्तान तथा महिलामा क्यामेलियाकी आयुशा तामाङ उत्कृष्ट खेलाडी घोषित भए । विजेतालाई नेपाल कराते महासंघका अध्यक्ष दावा गुरुङलगायतले एक कार्यक्रमबीच पुरस्कृत गरे । 

दुईदिने प्रतियोगितामा विभिन्न २३ डोजोका २ सय २० पुरुष तथा ८९ महिला खेलाडीले विभिन्न ३२ स्पर्धामा प्रतिस्पर्धा गरेका थिए ।