काठमाडौं- शहिद स्मारक 'ए' डिभिजन लिग अन्तर्गत शनिबार भएको पहिलो खेल २-२ को बराबरीमा सकिएको छ । नेपाल आर्मीको त्रिभुवन आर्मी क्लब र न्युरोड टिम (एनआरटी) बीचको खेल २-२ को बराबरीमा सकिएको हो ।
एनआरटीले खेलको १२ औ मिनेटमा पहिलो गोल गरेको थियो । एनआरटीका रोहित पुडासैनीले पहिलो गोल गरेका थिए । त्यस्तै खेलको ३८ औ मिनेट आर्मीले बराबरी गोल गर्यो। आर्मीका सन्तोष तामाङले पेनाल्टीमार्फत गोल गरेका थिए ।
त्यस्तै एनआरटीको लागि दोस्रो गोल खेलको ६४ औ मिनेटमा गरेका थिए । ५६ मिनेटमा आर्मीका टंक बस्नेतले गोल गरेपनि अफसाइटका कारण गोलको मान्यता पाएन ।
इन्जुरी समय आर्मीकै सन्तोष तामाङले अर्को गोल गरेपछि खेल २/२ को बराबरीमा पुग्यो । उनले पाएको फ्री किकलार्इ सही सदुपयोग गर्दै खेल २-२ को बराबरी बनाएका छन् । एनआरटीका गोलरक्षक अजित प्रजापतिले धेरैबेर गोल हातमा होल्ड गरेपछि आर्मीले फ्री किक पाएको थियो । खेल अवधिभर आर्मीले दबाब कायम राखेपनि एनआरटीको राम्रो बचाउका कारण आर्मीका प्रहार गोल हुन सकेको थिएन ।

खेलमा उत्कृष्ट प्रदर्शन गर्ने एनआरटीका गोल किपर अजित म्यान अफ दि म्याच घोषित भए ।
घरेलु फुटबल आन्तरिक किचलोमा फसेपछि स्थगित हुँदै आएको ए डिभिजन लिग शनिबारबाट शुरु भएको हो। रेलिगेशन नहुने प्रावधान सहित सुरु गर्न लागिएको लिगमा १४ क्लबले करिब तीन महिना प्रतिस्पर्धा गर्नेछन् ।
९१ खेल हुने यस प्रतियोगिता करिब तीन महिनामा सम्म चल्ने छ ।
