ए डिभिजन लिग: आर्मी र एनआरटीको पहिलो गोल एकएकको बराबरी

काठमाडौं- करिब पाँच बर्ष स्थगित रहेको पल्सर सहिद स्मारक 'ए' डिभिजन लिग अन्तर्गत पहिलो खेलमा न्युरोड टिम (एनआरटी) ले  र त्रिभुवन आर्मी क्लबविरुद्ध पहिलो गोल गरेको छ। 

एनआरटीले खेलको १२ औ मिनेटमा पहिलो गोल गरेको थियो । एनआरटीका रोहित पुडासैनीले पहिलो गोल गरेका थिए । त्यस्तै खेलको ३८ औ मिनेट आर्मीले बराबरी गोल गर्यो। आर्मीका सन्तोष तामाङले पेनाल्टीमार्फत गोल गरेका थिए ।

घरेलु फुटबल आन्तरिक किचलोमा फसेपछि स्थगित हुँदै आएको ए डिभिजन लिग शनिबारबाट शुरु भएको हो। रेलिगेशन नहुने प्रावधान सहित सुरु गर्न लागिएको लिगमा १४ क्लबले करिब तीन महिना प्रतिस्पर्धा गर्नेछन् ।

९१ खेल हुने यस प्रतियोगिता करिब तीन महिनामा सम्म चल्ने छ । प्रतियोगिताको पहिलो खेलमा उत्रदै गर्दा दुवै टोलीको लक्ष्य सफल सुरुवात गर्ने नै छ। 

एनआरटीका प्रशिक्षक महेश्वर पन्थीले करिब एक महिनामात्र तयारी गर्न पाएकाले सोचे अनुसारको अभ्यास गर्न नपाएको बताउँछन् । मोफसल र काठमाडौंका सामान्य खेलाडीलाई समावेश गर्दै टोली बनाईएको उल्लेख गर्दै उनले उद्घाटन खेलमा उत्कृष्ट प्रर्दशन गर्ने बताए ।

यता, पुर्व राष्ट्रिय खेलाडी नविन न्यौपानेले यसै ए डिभिजन लिगबाट प्रशिक्षकको रुपमा डेब्यु गर्दैछन् । लामो समयबाट अभ्यास र तयारीमा रहेको टोलीबाट उनले उपाधि जित्ने लक्ष्य लिएका छन् ।

‘पहिलो पटक प्रशिक्षकको जिम्मेवारी ए डिभिजन लिगमा निभाउदैछु । एक पटक समेत लिग नजितेको आर्मीलाई उपाधि जिताउनु मेरो मुख्य लक्ष्य हुनेछ ।’ उनले भने, ‘आर्मीले स्वभाविक खेल खेल्छ । तर राम्रा खेलाडीबाट नतिजा राम्रो निस्कने अपेक्षा गरेको छ ।’