कांग्रेस सभापति देउवासँग अमेरिकी उपविदेशमन्त्री न्युल्यान्डको भेट

काठमाडौं– कांग्रेस सभापति शेरबहादुर देउवासँग नेपाल भ्रमणमा रहेकी अमेरिकी उपविदेश मन्त्री भिक्टोरिया न्युल्यान्डले भेट गरेकी छन्।

सोमबार बिहान धुम्बाराहीस्थित निवासमा अमेरिकी उपविदेशमन्त्री र देउवाबीच भेटवार्ता भएको हो। 

भेटवार्तामा द्विपक्षीय सम्बन्ध र लोकतन्त्र, विकास तथा सुशासन सुदृढ बनाउनेलगायत विषयमा छलफल भएको सभापति देउवाको सचिवालयले बताएको छ। भेटमा देउवाले अमेरिकाबाट नेपाललाई निरन्तर सहयोग भइरहेका धन्यवाद दिएका थिए।