यू-१९ एशिया कपमा नेपालले भारतविरुद्ध फिल्डिङ गर्दै

काठमाडौं-बङ्गलादेशमा आज (शनिबार) बाट सुरु भएको एसीसी यू-१९ एशिया कपमा नेपालले चिरपरिचित प्रतिद्वन्द्वी भारतबीरुद्ध पहिला फिल्डिङ गर्ने भएको छ । भारतविरुद्ध नेपालले टस जितेर पहिले फिल्डिङ गर्ने निर्णय लिएको हो । 

नेपालले अहिलेसम्म भारतलाई १ पटक मात्र पराजित गर्न सफल भएको छ । यो नेपालको प्रतिस्ठाको बिषय समेत हुने छ । नेपालले गत संस्करणको समूह चरणको खेलमा भारतलाई पराजित गर्दै ऐतिहासिक जित निकालेको थियो । उक्त खेलमा नेपालले भारतलाई १९ रनले पराजित गरेको थियो ।

प्रतियोगितामा नेपाल समूह ‘ए’ मा रहेको छ । नेपालको समूहमा भारत, अफगानिस्तान र संयुक्त अरब इमिरेट्स (युएइ) छन् । नेपालले दोस्रो खेल सोमबार अफगानिस्तान र समुह चरणको अन्तिम खेल मंगलबार युएईसँग खेल्ने छ । समूहका शीर्ष दुई टोली सेमिफाइनल प्रवेश गर्ने छन् ।