पीपीएलको अक्सनका लागि १७९ खेलाडीको नाम दर्ता

काठमाडौं-पोखरा प्रिमियर लिग पीपीएलको अक्सनका लागि १ सय ७९ जना खेलाडीले नाम दर्ता गराएका छन् । करिब एक हप्ता सम्म अक्सनका लागि खुलेको नाम दर्तामा १ सय ७९ खेलाडीले आफ्नो नाम दर्ता गराएका हुन् । 

अक्सनका लागि नाम दर्ता गरेका खेलाडीमा ३० क्याप्ड सिनियर खेलाडी छन् । त्यस्तै एज क्याप्ड खेलाडी ५७ जना र अनक्याप्ड खेलाडी ९२ जना रहेका छन् । ६ टोली सहभागि प्रतियोगितामा प्रत्येक टोलीमा १५ देखि १८ खेलाडी रहनेछन् । 

प्रत्येक टिममा अक्सनमा १० खेलाडी अनिवार्य रुपमा किन्न पर्नेछ । सर्वाधिक पुरस्कार राशीको हुने लिग कार्तिक ९ देखि २० सम्म पोखरा रंगशालामा संचालन हुदैछ ।

पहिलो संस्करणको लिगमा ६ टिमले प्रतिस्पर्धा गर्ने भएका छन् । सवै टिमको नाम ६ सहरको नामबाट राखिएको छ । यसपटक विराटनगर टाईटन्स, चितवन राईनोज, पोखरा पल्टन, बुटवल ब्लास्टर, काठमाडौं रोयल्स र एक्स्पर्ट धनगढी ब्लुज रहेका छन् ।