दादुरा प्रभावित क्षेत्रमा पुगे स्वास्थ्यमन्त्री

सुरुमा दादुरा देखिएको र एक बालकको मृत्यु भएको नेपालगञ्ज उपमहानगरपालिका वडा नं. ५ मा पुगेर मन्त्री गिरीले घरघरमा पुगेर बालबालिकालाई खोप लगाउन आग्रह गरे।

नेपाल समय | आइतबार, माघ ८, २०७९

नेपाल समय

आइतबार, माघ ८, २०७९

दादुरा प्रभावित क्षेत्रमा पुगे स्वास्थ्यमन्त्री

स्वास्थ्य तथा जनसंख्यामन्त्री पदम गिरीले दादुरा संक्रमण नियन्त्रणमा कुनै कसर बाँकी नराख्न निर्देशन दिएका छन्।

पुस १२ गते नेपालगञ्जको वडा नं. ५ मा एकै घरका पाँच जनामा दादुरा संक्रमण देखिएको थियो। त्यसको केही दिनपछि दुई वर्ष सात महिनाका बालकको मृत्यु भएको थियो।

मन्त्री गिरीले दादुराविरुद्धको खोप अभियानको निरीक्षण गरेका थिए। मन्त्री गिरीकै अगाडि बालबालिकालाई खोप लगाइएको थियो। त्यसपछि मन्त्री गिरीले भेरी अस्पतालमा थपिएको डायलासिस मेसिनको उद्घाटन गरेका छन्। भेरीमा चार वटा मेसिन रहेकोमा ६ वटा थपिएको छ। भेरीमा अहिले हप्तामा ५४ जनाले नियमित डायलासिस सेवा लिइरहेका छन्।

भेरी अस्पतालका मेसु डा. बद्री चापागाईले फोहोर व्यवस्थापनदेखि समग्र अस्पतालको बारेमा मन्त्री गिरीलाई जानकारी गराएका थिए।