नवलपरासीमा बस दुर्घटना हुँदा ४५ जना घाइते, तीनको अवस्था गम्भीर

काठमाडौं- पश्चिम नवलपरासीको पाल्हिनन्दन गाउँपालिका वार्ड नम्बर-१ महेशपुर-त्रिवेणी सडक खण्डमा बस दुर्घटना हुँदा हुँदा ४५ जना घाइते भएका छन्। घाइते मध्ये तीनको अवस्था गम्भीर रहेको प्रहरीले जनाएको छ।

शनिबार बिहान करिब ११:३० बजेतिर नवलपरासीको पाल्हीनन्दन गाउँपालिका-१ झरहीखोला नजिकै रमपुरवास्थित भित्रि सडकमा त्रिवेणीधाम मेलामा तीर्थ गरी भारततर्फ फर्किंदै गरेका यात्रु सवार युपी१८एफटी ७४६६ नम्बरको बस दुर्घटना भएको हो।

बाटोदेखि करिब १० मिटर तल खोलामा खसेर भएको बसमा करिब ६० जना यात्रु रहेकोमा ४५ भारतीय तीर्थालु घाइते भई उपचारको लागि पृथ्वी चन्द्र अस्पताल परासी पठाइएको जिल्ला प्रहरी कार्यालय नवलपरासीले जनाएको छ।

घाइते उद्धाका लागि उक्त स्थानमा इलाका प्रहरी कार्यालय महेशपुरका प्रहरी निरीक्षक मेघनाथ चांपागाईको कमाण्डमा ट्राफिकसहित १५ जना र जिल्ला प्रहरी कार्यालय पश्चिम नवलपरासीबाट ११ जनाको टोली खटिगएको छ।