साढे ३३ केजी सुनकान्ड : गोरेका तीनै जना सहयोगीलाई थुनामै राख्ने आदेश

विराटनगर- उच्च अदालतले साढे ३३ किलो सुन तस्करी र सनम शाक्य हत्याको आरोपमा थुनामा रहेका गोरेका सहयोगी तीनै जनालाई थुनामै राख्ने आदेश दिएको छ।

मुख्य अभियुक्त मानिएका चुडामणि उप्रेती गोरेका तीन जना सहयोगी मोहन काफ्ले, कृष्ण भन्ने नरेन्द्र कार्की र एलबी भनिने लालबहादुर मगरलाई थुनामा राख्ने मोरङ जिल्ला अदालतको आदेशलार्इ नै उच्च अदालतले सदर गरेको हो।

बुधबार उच्च अदालत विराटनगरका न्यायाधीश साधुराम सापकोटा र उमेशराज पौडेलको इजलासले मोहन काफ्ले र कृष्ण भन्ने नरेन्द्र काकी थुनामा राख्ने आदेश दिएको हो। काफ्ले र कार्कीलाई गोरेसहितको समूहले साढे ३३ किलो सुन लुकाएको आरोपमा यातना दिएको थियो।

मोरङ उर्लाबारीको जंगलमा कार्की, काफ्ले र मृतक शाक्यलाई गोरे सहितको समुहले सँगै राखेर करेन्ट लगाएर यातना दिएको थियो। सनम शाक्यको शव विराटनगरबाट बरामद गर्दा काफ्ले, कार्कीलाई र टेकराज मल्ल ठकुरी पक्राउ परेका थिए।

त्यस्तै सोमबार उच्च अदालत विराटनगरका न्यायाधीश थिरबहादुर कार्की र जनक पाण्डेको संयुक्त्त इजलासले थुनामा रहेका एयरलायन्स कर्मचारी एलबी भनिने लालबहादुर मगरलाई थुनामा राख्ने जिल्ला आदेश नै सदर गरेको थियो ।

सुन तस्करी प्रकरणमा जिल्लाको आदेश पछि थुनामा रहेका निलम्बित एसएसपी दिवेश लोहनी, एसपी विकासराज खनाल, डिएसी प्रजित केसी गोरेका सहयोगी भनिएका रामुकमार तिवारी भने अदालतकै आदेशमा रिहा भइसकेका छन्