मोड्रिच महान तर मेस्सी उत्कृष्ट : भलभर्डे

मड्रिड (एजेनसी)-बार्सिलोनाका प्रशिक्षक एर्नेस्टो भलभर्डेले रियल मड्रिडका मिडफिल्डर लुका मोड्रिच महान खेलाडी भएको बताएका छन् । तर, बार्सिलोनाका कप्तान लियोनल मेस्सी जस्तो कुनै खेलाडी ह नभएको समेत बताएका छन् । 

भलभर्डेले लिगानेस क्लब यात्रा भन्दा पहिले यस्तो अभिव्यक्ति दिएका थिए । मेस्सीलाई दुनियाको सर्वश्रेष्ठ प्रदर्शन गर्ने खेलाडीको संज्ञा दिए । रियल मड्रिडका मोड्रिचले यसै साता फिफा सर्वश्रेष्ठ बर्ष खेलाडीको उपाधि समेत जिते । 

भलभर्डेले भने, ‘यसमा कुनै संका छैन की लुका मोड्रिच एक महान खेलाडी हुन् । तर, हामीले पहिले नै भनेका थियौ । हामी यसलाई फेरि पनि भन्छौ की लियोनल मेस्सी दुनियाका सबैभन्दा उत्कृष्ट खेलाडी हुन् ।’

मोड्रिचले यसै बर्ष फिफा विश्वकप गोल्डेन बल, फिफा विश्वकप ड्रिम टिम, फिफा विश्वकप फेन्टासी म्यकडोनाल्ड ओभरअल र फिफा बर्षको उत्कृष्ट पुरुष खेलाडीको उपाधि जितिसको छन् । 

उनले रुस विश्वकपमा क्रोएसियाको नेतृत्व गर्दै क्रोएसियालाई विशवकपको फाइनल समम पुग्न महत्वपुर्ण योगदान पुर्याएका थिए । पाँच पटकका बेलोन डि ओर विजेता मेस्सीले भने यस बर्ष व्यक्तीगत त्यस्तो उल्लेख्य उपाधि जित्न सकेका छैनन् ।