फाइनल प्रवेशका लागि बंगलादेश र पाकिस्तान भिड्ने

काठमाडौं-युएईमा जारी एसिया कप क्रिकेटको सुपर फोरको अन्तिम खेलमा आज (बुधबार) बंगलादेश र पाकिस्तान भिड्ने भएका छन् । बंगलादेश र पाकिस्तान यस प्रतियोगिताको फाइनल प्रवपेशका लागि भिड्न लागेका हुन् । खेल नेपाली समय अनुसार बेलुका ५:१५ मा युएईको आबुधावीमा शुरु हुने छ ।

यो खेल फाइनल प्रवेशका लागि दुबै टिमलाई जित्नै पर्ने दवाव रहेको छ । विजेता टोली प्रतियोगिताको फाइनमा प्रवृेश गर्ने छ भने पराजित हुने टोलीको एसिया कपको सुपर फोरमै यात्रा सकिने छ । 

सुपर फोरमा ३ खेलमा २ मा जित र १ मा बराबरीका साथ ५ अंक जोड्दै भारत शिर्ष स्थानमा रहदैँ फाइनलमा पुगि सकेको छ ।

त्यस्तै दुई खेल खेलेको पाकिस्तान एकमा जित र १ खेलमा हार निकाल्दै दुई आंकका साथ नेट रनरेटका आधारमा दोस्रो स्थानमा छ भने समान खेल खेलेको बंगलादेश समान अंकका साथ तेस्रो स्थानमा छ । अफगानिस्तान भने प्रतियोगिताको पुछारमा रहदैँ सुपर फोरबाटै बाहिरि सकेको छ ।

सुपर फोरमा पाकिस्तान भारतसँग ९ विकेटले पराजित हुदाँ अफगानिस्तानलाई ३ विकेटले हराउँदै फाइनल यात्रा जिवितै राखेको थियो । त्यस्तै बंगलादेश भारतसँग ७ विकेटले पराजित हुदाँ अफगानिस्तानलाई ३ रनको झिनो अन्तरले पराजित गर्दै फाइनल यात्राको आसा जिवितै राखेको थियो ।

समुह चारणमा हङकङलाई ८ विकेटले पराजित गर्दा भारतसँग ८ विकेटले पराजित हुदैँ पाकिस्तान समुह ए को उप विजेता बनेर सुपर फोरमा स्थान बनाएको थियो ।

यता अफगानिस्तानसँग १३६ रनको फराकिलो अन्तरले पराजित हुदाँ श्रीलंकालाई १३७ रनको फराकिलो अन्तरले विजयी हुदैँ समुह बी बाट उप जितेता बनेर बंगलादेशले सुपर फोरमा स्थान बनाएको हो । फाइनल खेल असोज १२ गते हुने छ ।